9 Ti tabernakulo ket inyaramidanna met iti paraangan.+ Iti abagatan a sikigan ti paraangan, nangikabil iti kortina a 100 a kasiko ti kaatiddogna+ ken naabel iti napino a lienso a sinulid. 10 Adda 20 nga adigi ken 20 a gambang a batay a pakaisulbonganda. Pirak dagiti naaramid a kawit dagiti adigi ken dagiti pagikonektaran* kadagita. 11 Iti amianan a sikigan, adda naikabil a kortina a 100 a kasiko ti kaatiddogna. Naaramid met ti 20 nga adigi ken 20 a gambang a batay a pakaisulbonganda. Pirak dagiti naaramid a kawit ken pagikonektaran* kadagiti adigi.