30 “Kalpasan ti 40 a tawen, nagparang kenkuana ti maysa nga anghel iti gumilgil-ayab nga apuy iti siitan a bassit a kayo idiay let-ang ti Bantay Sinai.+ 31 Nasdaaw ni Moises iti nakitana. Ngem bayat nga umas-asideg tapno kitaenna a naimbag, nangngegna ti timek ni Jehova,* a nangibaga: 32 ‘Siak ti Dios dagidi ammam, ti Dios ni Abraham ken ni Isaac ken ni Jacob.’+ Nagpigerger ni Moises ket mabutengen a kumita iti dayta. 33 Kinuna ni Jehova:* ‘Ikkatem dagiti sandaliasmo, ta agtaktakderka iti nasantuan a lugar. 34 Nakitak ti pannakairurumen ti ilik idiay Egipto, ket nangngegko ti asugda+ isu a bimmabaak tapno isalakanko ida. Umayka ta ibaonka idiay Egipto.’