23 “Ibagam ken Aaron ken kadagiti annakna, ‘Kastoy ti ibagayo no bendisionanyo+ dagiti umili ti Israel:

24 “Bendisionannakayo koma ni Jehova+ ken aywanannakayo.

25 Pagsilnagen koma ni Jehova ti rupana kadakayo,+ ken maragsakan koma kadakayo.

26 Kumita koma ni Jehova kadakayo tapno kaasiannakayo* ken ipaayannakayo iti talna.”’+

27 Ket usarenda ti naganko a mangbendision kadagiti annak ni Israel,+ tapno mabendisionak ida.”+

8 “Iti daydi a tiempo, pinili ni Jehova ti tribu ni Levi+ tapno bagkatenda ti lakasa ti tulag ni Jehova,+ agserbida iti sanguanan ni Jehova, ken mangbendisionda iti naganna,+ kas iti ar-aramidenda agingga ita.

5 “Umasideg dagiti papadi a Levita, ta pinili ida ni Jehova a Diosyo nga agserbi kenkuana,+ ket mangbendisionda iti nagan ni Jehova.+ Ibagada no kasano a masolbar ti tunggal kaso maipapan iti kinaranggas.+

13 Ti annak ni Amram ket da Aaron+ ken Moises.+ Ngem permanente a nailasin ni Aaron+ nga agserbi iti Kasasantuan, isu ken dagiti annakna, tapno mangidatag ken Jehova kadagiti daton, agserbi kenkuana, ken kanayon a mangbendision babaen ti nagan ti Dios.+