16 Mangbilangkayo iti 50 nga aldaw+ agingga iti aldaw kalpasan ti maikapito a Sabbath, ket idatonyo ti kaan-ani a bukbukel ken Jehova.+

18 Malaksid iti tinapay, mangidatagkayo iti pito a nasalun-at a kalakian a karnero nga agtawen iti maysa, ken maysa nga urbon a baka ken dua a kalakian a karnero.+ Maidatagda ken Jehova kas daton a mapuoran agraman ti daton a bukbukel ken ti daton nga inumen. Mapuoran dagitoy a daton a mangpataud iti makaay-ayo* a banglo ken Jehova.