15 “Ileppas ni Aaron ken dagiti annakna nga abbongan ti amin nga alikamen ti nasantuan a lugar+ sakbay nga umakar ti kampo. Kalpasanna, sumrek dagiti annak ni Cohat ket awitenda dagita,+ ngem saanda a sagiden ti nasantuan a disso tapno saanda a matay.+ Dagitoy ti responsabilidad* dagiti annak ni Cohat mainaig iti tolda a pagkonsultaan.

20 Saanda a sumrek a mangkita kadagiti nasantuan a banag uray apagbiit laeng, tapno saanda a matay.”+

39 Gapuna, innala ni Eleazar a padi dagiti gambang a pagikkan iti insienso nga indatag dagidiay nauram, ket pinitpitda dagita tapno maikalupkop iti altar, 40 kas imbilin kenkuana ni Jehova babaen ken Moises. Nagserbi dayta kas pakdaar kadagiti Israelita nga asinoman a saan nga autorisado* ken saan a kaputotan ni Aaron ket di rumbeng nga umasideg tapno mangpuor iti insienso iti sanguanan ni Jehova,+ ken awan koma ti mangtulad ken Kore ken kadagiti kakaduana.+