15 Isu a napan ti amin nga umili idiay Gilgal, ket pinagbalinda sadiay ni Saul kas ari iti imatang ni Jehova. Kalpasanna, nagidatonda sadiay kadagiti daton a pakikappia iti imatang ni Jehova,+ ket nagragragsak da Saul ken ti amin nga Israelita.+

13 Gapu iti dayta, kinuna ni Samuel ken Saul: “Minamaag ti inaramidmo. Saanmo a tinungpal ti imbilin kenka ni Jehova a Diosmo,+ ta no tinungpalmo koma, agnanayon a pagturayen koma ni Jehova ti pagariam iti Israel.

26 Ngem kinuna ni Samuel ken Saul: “Saanakto a kumuyog kenka nga agsubli, ta linaksidmo ti bilin ni Jehova, ket inlaksidnaka ni Jehova iti panagtultuloymo kas ari ti Israel.”+

7 Kalpasanna, kinuna ni Saul kadagiti adipenna: “Isapulandak iti babai nga espiritista,+ ket mapanakto agkonsulta kenkuana.” Insungbat dagiti adipenna: “Adda babai nga espiritista idiay En-dor.”+

4 Iti kasta, kinuna ni Saul iti paraawit iti kabalna: “Asutem ta espadam ket duyokennak tapno saandak a ranggasan* ken patayen dagiti di nakugit a lallaki.”+ Ngem saan a kayat ti paraawit iti kabalna, ta kasta unay ti butengna. Isu nga innala ni Saul ti espada sa rinugmaanna dayta.+