8 “‘Ngem no mangipaaykayo iti kalakian a baka kas daton a mapuoran,+ daton a pangtungpal iti espesial a kari,+ wenno daton a pakikappia ken Jehova,+ 9 pakuyoganyo ti kalakian a baka iti daton a bukbukel+ a napino nga arina a tallo nga apagkapullo ti maysa nga efa a nalaokan iti lana a kagudua a hin. 10 Mangipaaykayo met iti arak kas daton nga inumen,+ a kagudua a hin, kas daton a mapuoran a makaay-ayo* ti banglona ken Jehova.