7 Dika pulos maaddaan kadagiti sabali a dios malaksid kaniak.*+

8 “‘Dika mangaramid iti kinitikitan nga imahen+ wenno iti kapada ti aniaman nga adda iti langit, daga, wenno iti danum. 9 Dika agruknoy wenno agserbi kadagita,+ ta siak ni Jehova a Diosmo nga agkidkiddaw iti naipamaysa a debosion.+ Dusaek dagiti nakabasol ken gumurgura kaniak, agraman dagiti annak, appoko, ken appoko iti tumeng gapu iti basol dagiti amma,+

17 Ngem saanda a dimngeg uray kadagiti ukom. Nagdayaw ken nagruknoyda ketdi kadagiti sabali a dios. Saanda a kas kadagidi ammada a nagtulnog kadagiti bilin ni Jehova.+ Saan a kasta ti inaramidda.

33 Idi natayen ni Gideon, nagdaydayaw manen* dagiti Israelita kadagiti Baal,+ ket pinagbalinda ni Baal-berit kas diosda.+

10 Nagibangbangonda met kadagiti sagrado nga adigi ken sagrado a poste*+ iti tunggal nangato a turod ken iti sirok ti tunggal narukbos a kayo;+ 11 ken nangipapaayda iti daton a mangpataud iti asuk iti amin a nangato a disso kas iti inaramid dagiti nasion a pinapanaw ni Jehova iti sanguananda.+ Nagar-aramidda iti dakes a namagpungtot ken Jehova.