24 Naginana ni Jehoram a kas kadagidi ammana ket naitabon a kaduana dagidi ammana iti Siudad ni David.+ Ni Ahazias+ nga anakna ti simmaruno nga ari.

25 Iti maika-12 a tawen ti panagturay ni Jehoram nga anak ni Ahab nga ari ti Israel, nagbalin nga ari ni Ahazias nga anak ni Ari Jehoram ti Juda.+ 26 Agtawen ni Ahazias iti 22 idi nagbalin nga ari, ket nagturay iti makatawen idiay Jerusalem. Ti nanangna ket ni Atalia+ nga apoko* ni Ari Omri+ ti Israel.