10 Napanak iti balay ni Semaias nga anak ni Delaias ken apoko ni Mehetabel bayat nga agpuppupok sadiay. Kinunana: “Agtulagta no kaano nga agkitata idiay balay ti pudno a Dios, iti uneg ti templo. Iserratanto dagiti ridawna ta umaydaka patayen. Rabii ti iyaayda a mangpatay kenka.” 11 Ngem kinunak: “Rumbeng aya nga agtalaw ti maysa a lalaki a kas kaniak? Makastrek aya iti templo ti maysa a lalaki a kas kaniak ket saan a mapapatay?+ Saanakto a sumrek!” 12 Naamirisko a saan a ti Dios ti nangibaon kenkuana no di ket tinangdanan da Tobias ken Sanbalat+ a mangipadto iti dayta maibusor kaniak.