59 Dagitoy ti naggapu idiay Tel-mela, Tel-harsa, Kerub, Addon, ken Immer, ngem saanda a napaneknekan ti kapuonanda, no Israelitada wenno saan:+ 60 annak ni Delaias, annak ni Tobias, annak ni Nekoda, 652. 61 Ken annak dagiti papadi: annak ni Habaias, annak ni Hakoz,+ annak ni Barzillai, a nangasawa iti maysa kadagiti babbalasang ni Barzillai+ a Gileadita ket naipasurot kenkuana ti nagan ni Barzillai a katuganganna. 62 Dagitoy ti nangbirok iti kapuonanda iti listaan ngem awan ti nasarakanda, isu a saandan a kualipikado nga agserbi kas papadi.*+ 63 Kuna ti gobernador* a saanda a mabalin ti mangan kadagiti nasantuan a taraon+ agingga nga adda padi nga agkonsulta iti Urim ken Tummim.+