• Salmo 15:1-5
    Baro a Lubong a Patarus ti Nasantuan a Kasuratan

    • 15 O Jehova, asino ti sangailiem iti toldam?

      Asino ti makapagyan iti bantaymo a nasantuan?+

       2 Daydiay awan pakababalawanna,*+

      Kanayon nga umiso ti ar-aramidenna+

      Agpaypayso ken naimpusuan dagiti ibagbagana.+

       3 Awan ti padpadaksen ti dilana,+

      Saan nga agaramid iti pakadaksan ti kaarrubana,+

      Ken dina ibabain dagiti gagayyemna.+

       4 Ti asinoman a maag ket kagurana,+

      Ngem padayawanna dagiti agbuteng ken Jehova.

      Dina ibabawi ti karina,* uray saan a nasayaat ti epekto dayta kenkuana.+

       5 Dina ipautang ti kuartana nga addaan iti interes,+

      Ken saan nga umawat iti pasuksok maibusor iti tao nga awan basolna.+

      Dinto pulos maan-ano* ti asinoman a mangaramid kadagita.+

  • Salmo 84:1-4
    Baro a Lubong a Patarus ti Nasantuan a Kasuratan

    • 84 Anian a nagpintas* ti naindaklan a tabernakulom,+

      O Jehova a panguluen dagiti armada!

       2 Magagaran ti intero a kinataok,*

      Wen, kasta unay ti iliwko

      A mapan iti paraangan ni Jehova.+

      Iti amin a pusok ken pigsak, agriawakto gapu iti ragsak iti Dios a sibibiag.

       3 Sadiay pay ketdi nga agnanaed dagiti billit

      Ken agumok ti sallapingaw,

      Ket padakkelenna dagiti sibongna

      Iti asideg ti naindaklan nga altarmo, O Jehova a panguluen dagiti armada,

      Sika nga Arik ken Diosko!

       4 Naragsak dagidiay agnanaed iti balaymo!+

      Kanayon nga idaydayawdaka.+ (Selah)