• Salmo 40:13-17
    Baro a Lubong a Patarus ti Nasantuan a Kasuratan

    • 13 Pangngaasim, O Jehova, ta isalakannak.+

      O Jehova, darasem ti tumulong kaniak.+

      14 Amin nga agpanggep a mangkettel iti biagko*

      Ket maibabain ken maumsi koma.

      Dagidiay maragragsakan iti pannakadidigrak

      Ket umatras koma gapu iti pannakaibabain.

      15 Dagidiay agkunkuna kaniak: “Gunggonam!”

      Madismayada koma gapu iti pannakaibabainda.

      16 Ngem agragsak ken agrag-o koma kenka+

      Dagidiay mangbirbirok kenka.+

      Kanayon koma nga ibaga dagidiay mangipatpateg kadagiti panangisalakanmo:

      “Maidaydayaw koma ni Jehova.”+

      17 Ngem kakaasiak ken napanglawak;

      Ni Jehova koma ti mangasikaso kaniak.

      Sika ti tumulong ken mangisalakan kaniak;+

      O Diosko, saanka koma nga agtaktak.+