27 Impakitada kadakuada dagiti pagilasinan nga impaayna,

Ken dagiti milagrona iti daga ti Ham.+

28 Pinagsipngetna ket simmipnget ti daga;+

Tinungpalda dagiti bilinna.

29 Pinagbalinna a dara dagiti danumda

Ken pinatayna dagiti lamesda.+

30 Nagwaras dagiti tukak iti dagada,+

Uray kadagiti kuarto ti palasio ti arida.

31 Binilinna nga umarak dagiti bingraw*

Ken dagiti sepsep iti intero a teritoriada.+

32 Pinagtinnagna ti uraro imbes a tudo

Ken nangyeg kadagiti kimat* iti dagada.+

33 Dinadaelna dagiti kaubasan ken higosda

Ken tinumbana dagiti kaykayo iti teritoriada.

34 Binilinna nga umarak dagiti dudon,

Dagiti rineprep a babassit a dudon.+

35 Kinnanda ti amin a mulmula,

Ken inibusda dagiti apit iti daga.

36 Pinatayna ti amin nga inauna nga annakda,+

Dagiti inauna a putotda.