12 “Nangngegko ti tanabutob dagiti Israelita.+ Ibagam kadakuada, ‘Sakbay a sumipnget kalpasan a lumnek ti init,* mangankayto iti karne, ken inton bigat, agpennekkayto iti tinapay,+ ket sigurado a maammuanyonto a siak ni Jehova a Diosyo.’”+

13 Isu nga iti dayta a rabii, dimteng ti nakaad-adu a pugo ket nagdissoda iti intero a kampo.+ Kabigatanna, naaplagan iti linnaaw ti intero nga aglawlaw ti kampo. 14 Idi awanen ti linnaaw, nagparang ti napino a banag a kasla iti niebe iti rabaw ti daga.+ 15 Idi nakita dagiti Israelita, nagsisinnaludsodda, “Ania daytoy?” ta dida ammo no ania dayta. Kinuna ni Moises: “Dayta ti inted ni Jehova a kanenyo.+