28 Kinuna ni David idi nadamagna dayta: “Ammo ni Jehova nga awan a pulos ti basolko ken ti pagariak iti ipapatay+ ni Abner nga anak ni Ner. 29 Sapay koma ta ikaro dayta ni Joab+ ken ti intero a sangakabbalayan ni amana. Iti tunggal kaputotanna, kanayonto koma latta nga adda lalaki nga adda agruar iti mabagbagina+ wenno agkukutel+ wenno agtrabaho iti pagabelan* wenno matay iti paggugubatan wenno agkurang iti taraon!”+

21 Bayat ti panagturay ni David, adda nakaro a bisin+ a nagpaut iti tallo a tawen, isu a dinamag ni David ken ni Jehova no apay, ket kinuna ni Jehova: “Nakabasol ni Saul ken ti pamiliana, ta pinatayna dagiti Gibeonita.”+