18 Nangyeg met ni Melkisedek+ nga ari ti Salem+ iti tinapay ken arak; isu idi ti padi ti Kangatuan a Dios.+

5 Saan met nga impadayag ti Kristo ti bagina+ babaen ti panagbalinna a nangato a padi, no di ket impadayag Daydiay nangibaga kenkuana: “Sika ti anakko, nagbalinak nga amam ita nga aldaw.”+ 6 Kas iti imbagana pay iti maysa a paset ti kasuratan: “Maysaka a padi iti agnanayon a kas ken Melkisedek.”+

19 Adda kadatayo daytoy a namnama+ kas angkla ti kararuatayo,* sigurado ken natibker, ken daytoy ti mangiserrek kadatayo iti uneg ti kortina,+ 20 a simrekan nga immun-una ti nangisagana iti dalantayo, ni Jesus,+ a nagbalin a nangato a padi iti agnanayon a kas ken Melkisedek.+

3 Gapu ta awan ti ama, ina, ken kapuonanna, ken awan met ti nangrugian ken nagpatinggaan ti biagna, no di ket naaramid a kas iti Anak ti Dios, isu ket agtultuloy a padi iti agnanayon.+

11 No ngarud magun-odan ti kinaperpekto babaen ti kinapadi iti kapuonan ni Levi,+ (ta karaman dayta iti Linteg a naited kadagiti tattao), apay a kasapulan pay laeng ti sabali a padi a kas ken Melkisedek+ ken saan a kas ken Aaron?