44 Naggapukayo iti Diablo nga amayo, ket kayatyo nga aramiden dagiti tarigagay ni amayo.+ Nagbalin a mammapatay idi nangrugi,*+ ken saan a nagtalinaed iti kinapudno, ta saanna a kayat ti kinapudno. Agsao iti ulbod ta kasta ti kababalinna. Ulbod ken isu ti ama ti kinaulbod.+

9 Dikay agiinnulbod.+ Uksobenyo ti daan a personalidad*+ agraman dagiti aramidna,

8 Ngem dagiti takrot, awanan pammati,+ nakaar-ariek ti kinarugitda, manangpapatay,+ agar-aramid iti seksual nga immoralidad*+ ken espiritismo, agdaydayaw iti idolo, ken amin a naulbod+ ket maitapuakto iti danaw ti gumilgil-ayab nga apuy ken asupre.+ Kaipapanan daytoy ti maikadua nga ipapatay.”+