8 Gapuna, nangaramid ni Jezebel kadagiti surat iti nagan ni Ahab ket minarkaanna iti pangselio ti ari+ sa impatulodna dagita kadagiti panglakayen+ ken natan-ok a tattao nga agnanaed iti siudad ni Nabot. 9 Kastoy ti linaon dagiti surat: “Iwaragawagyo ti panagayunar, ket pagtugawenyo ni Nabot iti sanguanan dagiti tattao. 10 Pagtugawenyo iti sanguananna ti dua nga awan serserbina a lallaki nga agtestigo maibusor kenkuana,+ ket ibagada, ‘Inlunodmo ti Dios ken ti ari!’+ Kalpasanna, iruaryo ken uborenyo agingga a matay.”+

11 Tinungpal dagiti lallaki, dagiti panglakayen ken natan-ok a tattao nga agnanaed iti siudad ni Nabot, ti naikabil kadagiti surat ni Jezebel a naipatulod kadakuada.

4 Imbaga dagiti prinsipe iti ari: “Pangngaasim ta ipapataymo daytoy a tao,+ ta gapu kadagita nga ibagbagana, pakpakapuyenna ti pakinakem* dagiti soldado a nabati iti daytoy a siudad, agraman ti amin nga umili. Ta kayat daytoy a tao a madidigra dagitoy a tattao imbes a maaddaanda iti talna.” 5 Insungbat ni Ari Zedekias: “Sige! Aramidenyo kenkuana ti kayatyo, ta awan ti maaramidan ti ari a mangpasardeng kadakayo.”