15 Apaman a nadanon dagiti papadi ti igid ti karayan ken intapogda dagiti sakada iti danum, (agliplippias idi ti Jordan+ iti amin nga aldaw ti panagani), 16 nagsardeng ti ayus ti karayan idiay surong. Nagbalin a kasla pader* dagiti danumna iti batog ti nakaad-adayo a siudad ti Adan, iti asideg ti Zaretan. Naatianan met ti danum iti baba ti karayan agingga iti Baybay ti Araba, ti Asin a Baybay.* Nagsardeng ti ayus ti karayan ket nakaballasiw dagiti Israelita agingga iti Jerico.

8 Inikkat ni Elias ti opisial a kagayna+ sa linukotna ken imbautna iti danum. Nabisngay ti danum iti kannigid ken kannawan, isu a bimmallasiwda iti namaga a daga.+