• Isaias 2:3, 4
    Baro a Lubong a Patarus ti Nasantuan a Kasuratan

    •  3 Mapanto sadiay ti adu a tattao ket ibagada:

      “Umaykayo, sumang-attayo iti bantay ni Jehova,

      Iti balay ti Dios ni Jacob.+

      Isuronatayto maipapan kadagiti dalanna,

      Ket magnatayto kadagiti danana.”+

      Ta rummuarto ti linteg* manipud Sion,

      Ken ti sao ni Jehova manipud Jerusalem.+

       4 Agtignayto ti Dios kas ukom kadagiti nasion

      Ket solbarenna dagiti problema* ti adu nga ili.

      Pitpitendanto ti espadada a pagbalinen a subsob ti arado

      Ken dagiti pikada a pagbalinen a kumpay.+

      Saanto a mangilayat ti nasion iti espada maibusor iti sabali a nasion,

      Ken saandanto metten a sursuruen ti makigubat.+

  • Isaias 11:6-9
    Baro a Lubong a Patarus ti Nasantuan a Kasuratan

    •  6 Makikaduanto ti lobo iti urbon a karnero,+

      Ken makikaiddanto ti leopardo iti urbon a kalding,

      Ken agkakaduanto ti urbon a baka, leon,* ken nalukmeg nga animal;*+

      Ket idauluanto ida ti bassit nga ubing.

       7 Agkaduanto a mangan ti baka ken ti oso,

      Ket agkaiddanto dagiti urbonda.

      Manganto ti leon iti garami a kas iti baka.+

       8 Agay-ayamto ti agsussuso pay nga ubing iti abut ti kobra,

      Ket ikautto ti napusot nga ubing ti imana iti abut ti nagita nga uleg.

       9 Saandanto a pulos mangdangran+

      Wenno mangdadael iti intero a nasantuan a bantayko,+

      Ta sigurado a mapnonto ti daga iti pannakaammo maipapan ken Jehova

      Kas iti pannakapunno ti baybay iti danum.+

  • Mikias 4:2
    Baro a Lubong a Patarus ti Nasantuan a Kasuratan

    •  2 Mapanto sadiay ti adu a nasion ket ibagada:

      “Umaykayo, sumang-attayo iti bantay ni Jehova

      Ken iti balay ti Dios ni Jacob.+

      Isuronatayto maipapan kadagiti dalanna,

      Ket magnatayto kadagiti danana.”

      Ta rummuarto ti linteg* manipud Sion,

      Ken ti sao ni Jehova manipud Jerusalem.