31 Kaasi pay dagidiay agpatulong idiay Egipto,+

Nga agpannuray kadagiti kabalio,+

Nga agtalek iti nakaad-adu a karuahe a pakigubat,

Ken kadagiti nabileg a kabalio* a pakigubat.

Ngem saanda a nagpatulong iti Daydiay Nasantuan ti Israel,

Ken saanda a binirok ni Jehova.

 3 Nupay kasta, tattao laeng dagiti Egipcio, saanda a Dios;

Dagiti kabalioda ket lasag, saan nga espiritu.+

Inton iyunnat ni Jehova ti imana,

Maitibkolto ti asinoman a mangipapaay iti tulong,

Ket matumba ti asinoman a matultulongan;

Aggigiddanto a madadaelda.