26 Gapuna, ni Eliakim nga anak ni Hilkias kasta met da Sebna+ ken Joa kinunada iti Rabsake:+ “Pangngaasim ta makisaoka kadagiti adipenmo iti lengguahe nga Aramaiko,*+ ta maawatanmi dayta; dika makisao kadakami iti lengguahe dagiti Judio ta dumdumngeg dagiti umili nga adda iti pader.”+ 27 Ngem kinuna ti Rabsake: “Ti laeng kadi apoyo ken dakayo ti nangibaonan kaniak ni apok a pangibagaak kadagitoy a sasao? Saan kadi a kadagiti pay tattao a nakatugaw iti pader, dagidiay kaduayonto a mangan iti takkiyo ken uminum iti isboyo?”