2 “Daytoy ti imbaga ni Jehova a Dios ti Israel, ‘Inka ibaga ken Ari Zedekias+ ti Juda: “Daytoy ti imbaga ni Jehova, ‘Itedko daytoy a siudad iti ari ti Babilonia ket puorannanto.+ 3 Saankanto a makalibas kenkuana ta sigurado a tiliwendaka ken iyawatdaka kenkuana.+ Makitamto a personal ti ari ti Babilonia ket makisaritanto kenka iti rupanrupa, ken mapankanto idiay Babilonia.’+

8 Ket agsublinto dagiti Caldeo ket gubatenda daytoy a siudad sada sakupen ken puoran.”+

17 Kalpasanna, pinaayaban ni Ari Zedekias, ket idi addan iti balay* ti ari, insekreto ti ari+ nga insaludsod kenkuana: “Adda kadi mensahe ni Jehova?” Insungbat ni Jeremias: “Adda!” sana innayon: “Mayawatkanto iti ari ti Babilonia!”+