29 “Inton dadaelen ni Jehova a Diosyo ti amin a nasion a papanawenyo,+ ken agnaedkayo iti dagada, 30 agannadkayo a saanyo a tultuladen ida, kalpasan a naibusda iti sanguananyo. Dikay agusioso iti maipapan kadagiti diosda, nga ibagayo, ‘Kasano ngata ti panagdayaw dagitoy a nasion kadagiti diosda? Kasta met ti aramidek.’+ 31 Diyo aramiden daytoy ken Jehova a Diosyo, ta aramidenda para iti diosda ti aniaman a makarimon a banag a kagura ni Jehova, nga uray la puoranda ti annakda a lallaki ken babbai para kadagiti diosda.+

17 Impalasatda met iti apuy dagiti annakda a lallaki ken babbai,+ nagbuybuyonda+ ken nagbirbirokda iti partaan, ket inggagarada* nga aramiden ti dakes iti imatang ni Jehova, tapno pagpungtotenda.

28 Agtawen ni Ahaz+ iti 20 idi nagbalin nga ari, ket nagturay iti 16 a tawen idiay Jerusalem. Saanna nga inaramid ti umiso iti imatang ni Jehova kas iti inaramid ni David nga apongna.+

3 Nangipaay met iti daton a mangpataud iti asuk idiay Tanap ti Anak ni Hinnom* ken pinuoranna dagiti annakna a lallaki.+ Tinuladna dagiti dakes nga aramid dagiti nasion+ a pinapanaw ni Jehova iti sanguanan dagiti Israelita.

33 Agtawen ni Manases+ iti 12 idi nagbalin nga ari, ket nagturay iti 55 a tawen idiay Jerusalem.+

6 Impalasatna dagiti annakna iti apuy+ iti Tanap ti Anak ni Hinnom;+ nagsalamangka,+ nagbuyon, nagkulam, ken nangdutok kadagiti espiritista ken mammadles.+ Nakaro unay ti inaramidna a kinadakes iti imatang ni Jehova, a namagpungtot kenkuana.

31 Ken rugrugitanyo pay laeng kadi ti bagiyo agingga ita nga aldaw babaen ti panagdatonyo iti amin a makarimon nga idoloyo, nga ipalpalasatyo iti apuy dagiti annakyo?+ Rumbeng kadi a sungbatak ti saludsodyo, O sangakabbalayan ti Israel?”’+

“‘Ikarik a saankonto a sungbatan ti saludsodyo,’ kuna ti sibibiag a Kangatuan nga Apo Jehova.+