26 Dimmatagda kada Moises ken Aaron ken iti amin nga Israelita iti let-ang ti Paran, idiay Kades.+ Impadamagda iti amin nga Israelita ti nakitada ken dagiti bunga ti daga. 27 Kinunada ken Moises: “Simrekkami iti daga a nangibaonam kadakami. Pudno a pagay-ayusan ti gatas ken diro,+ ket dagitoy ti bungana.+

10 “Inton ipannakayo ni Jehova a Diosyo iti daga nga inkarina kadagidi ammayo a da Abraham, Isaac, ken Jacob nga itedna kadakayo+—dagiti dadakkel ken napipintas a siudad a diyo imbangon,+ 11 dagiti balay a napno iti nasayaat a bambanag a diyo nagbannogan, dagiti pagurnongan iti danum a diyo kinali, dagiti kaubasan ken kaykayo ti olibo a diyo immula—ket inton mangankayo ken mapnekkayo,+

7 Ta ipannakayo ni Jehova a Diosyo iti nasayaat a daga+ nga addaan kadagiti karayan, ubbog nga agayus iti tanap ken kabambantayan, 8 trigo ken sebada, puon ti ubas, kayo a higos, kayo a granada,+ lana ti olibo ken diro,+ 9 adu a taraon ken addanto amin a kasapulanyo, maysa a daga nga adda landok kadagiti batona ket agminaskayto iti gambang kadagiti bantayna.