17 Saandaka nga impangag+ ken linipatda dagiti nakaskasdaaw nga inaramidmo kadakuada. Gapu ta nagsukirda,* nangpilida iti mangidaulo kadakuada nga agsubli idiay Egipto+ tapno agpaadipenda manen. Ngem maysaka a Dios a sisasagana a mangpakawan,* mannakipagrikna* ken naasi, nabannayat nga agpungtot, ken dakkel ti napudno nga ayatmo,*+ ket saanmo a binaybay-an ida.+

29 Uray no bagbagaam ida tapno tungpalenda manen ti Lintegmo, saanda latta a nagtulnog gapu iti kinatangsitda ken saanda nga impangag dagiti bilinmo;+ ken sinukirda dagiti pagalagadam, a mangyeg koma iti biag no annurotenda dagita.+ Ngem tinallikudandaka ken saandaka nga impangag gapu iti kinatangken ti uloda.

12 Pinatangkenda ti pusoda a kas iti diamante,*+ ken saanda a tinungpal ti linteg* ken dagiti imbaga ni Jehova a panguluen dagiti armada babaen ti espirituna kadagiti propeta idi un-unana,+ isu a nakapungtot unay ni Jehova a panguluen dagiti armada.”+