44 “Iti kaaldawan dagita nga ari, mangipasdekto ti Dios ti langit iti maysa a pagarian+ a saanto pulos a madadael.+ Daytoy a pagarian ket saanto a mayawat iti aniaman a sabali nga ili.+ Rumeken ken pagpatinggaennanto amin dagitoy a pagarian,+ ket daytanto laeng ti agtalinaed iti agnanayon,+ 45 no kasano a nakitam nga adda bato a natikap manipud iti bantay, ngem saan a tinikap ti ima ti tao, ket dayta ti nangrumek iti landok, gambang, pila, pirak, ken balitok.+ Impakaammo ti Naindaklan a Dios iti ari ti mapasamak iti masanguanan.+ Agpaypayso ti tagtagainep, ken mapangnamnamaan ti kaipapananna.”