17 Impaayan ti pudno a Dios dagitoy nga uppat nga agtutubo* iti sirib, pannakaammo, ken pannakatarus iti amin a kita ti sursurat; ken impaayanna ni Daniel iti pannakaawat iti amin a kita ti sirmata ken tagtagainep.+

20 Aniaman a saludsoden ti ari kadakuada nga agkasapulan iti sirib ken pannakaawat, nakitana a maminsangapulo a nalalaingda ngem iti amin a salamangkero a papadi ken madyikero+ iti intero a pagturayanna.

11 Adda maysa a lalaki* iti pagariam nga addaan iti espiritu dagiti nasantuan a dios. Idi panawen ni amam, nakita iti daytoy a lalaki ti naisangsangayan a pannakaawat, pannakatarus, ken sirib a kas iti sirib dagiti dios.+ Isu nga insaad ni Ari Nabucodonosor nga amam kas panguluen dagiti salamangkero a papadi, madyikero, Caldeo,* ken dagiti astrologo.+ Inaramid dayta ni amam, O ari. 12 Ta ni Daniel, a pinanaganan ti ari iti Beltesazar,+ ket addaan iti naisangsangayan a sirib, pannakaammo, ken pannakatarus a mangibaga iti kaipapanan dagiti tagtagainep, mangilawlawag kadagiti burburtia, ken mangsolbar kadagiti narikut a problema.*+ Ita, paayabam koma ni Daniel ket ibagana kenka ti kaipapanan ti nakitam.”