11 Mangalaka iti pirak ken balitok ket mangaramidka iti korona* a maikabil iti ulo ni Josue+ nga anak ni Jehozadak a nangato a padi. 12 Ibagam kenkuana,

“‘Daytoy ti imbaga ni Jehova a panguluen dagiti armada: “Daytoy ti lalaki nga agnagan Tarubong.+ Agtubonto iti mismo a daga nga ayanna ket bangonennanto ti templo ni Jehova.+ 13 Isunto ti mangbangon iti templo ni Jehova, ken isunto ti mangawat iti pammadayaw a para iti ari. Agtugawto iti tronona,+ ken agbalinto nga ari ken padi, ket agsaknapto ti kinatalna gapu kadagita a dua a saadna.*