16 Iti umuna nga aldaw, mangyurnoskayo iti nasantuan a panagtataripnong ken iti sabali pay a nasantuan a panagtataripnong iti maikapito nga aldaw. Dikay agtrabaho kadagita nga aldaw.+ Ti panangisagana iti kanen ti tunggal maysa ti mabalinyo laeng nga aramiden.

25 “No mapankayo iti di pay naapit a talon ti kaarrubayo, mabalinyo ti mangruros kadagiti natangkenan a dawa, ngem dikay gapasen dagita.+

23 Iti aldaw ti Sabbath, bayat a magmagna ni Jesus ken dagiti adalanna iti kataltalonan, nangruros dagiti adalanna kadagiti dawa.+ 24 Isu a kinuna kenkuana dagiti Fariseo: “Kitaem! Apay nga ar-aramidenda ti saan a maipalubos iti Sabbath?” 25 Ngem kinunana kadakuada: “Diyo kadi nabasa ti inaramid ni David ken dagiti kakaduana idi mabisinda?+ 26 Iti salaysay maipapan iti panguluen a padi a ni Abiatar,+ saan kadi a simrek ni David iti balay ti Dios ket kinnanna dagiti daton a tinapay,* a saan koma a maipalubos a kanen ti asinoman no di laeng dagiti papadi,+ sa inikkanna met dagiti kakaduana?” 27 Ket kinunana kadakuada: “Naaramid ti Sabbath a pagsayaatan ti tao,+ ngem saan a naparsua ti tao tapno ngilinenna ti Sabbath. 28 Isu a ti Anak ti tao ket Apo uray pay ti Sabbath.”+

6 Iti aldaw ti Sabbath bayat a magmagna ni Jesus ken dagiti adalanna iti kataltalonan, nangruros dagiti adalanna kadagiti dawa,+ linidlidda iti dakulapda,+ sada kinnan. 2 Gapuna, kinuna ti dadduma a Fariseo: “Apay nga ar-aramidenyo ti saan a maipalubos iti Sabbath?”+ 3 Ngem insungbat ni Jesus: “Diyo kadi nabasa ti inaramid ni David ken dagiti kakaduana idi mabisinda?+ 4 Saan kadi a simrek ni David iti balay ti Dios ket inawatna dagiti daton a tinapay* ken nangan sa inikkanna dagiti kakaduana, a saan koma a maipalubos a kanen ti asinoman no di laeng dagiti papadi?”+ 5 Ket kinunana kadakuada: “Ti Anak ti tao ket Apo ti Sabbath.”+