5 Isu nga impanna iti bantay ket impakitana iti apagbiit ti amin a pagarian iti mapagnaedan a daga.+ 6 Ket kinuna ti Diablo: “Itedko kenka ti amin nga autoridad ken ti kinadayagda, ta nayawaten dayta kaniak,+ ket itedko iti asinoman a kayatko a pangtedan. 7 Kukuam amin dagitoy no agdayawka kaniak uray maminsan laeng.” 8 Simmungbat ni Jesus: “Kuna ti Kasuratan, ‘Ni laeng Jehova* a Diosmo ti masapul a pagdayawam, ket isu laeng ti masapul a pangipaayam iti sagrado a panagserbi.’”+