17 Bayat a sumangsang-atda idiay Jerusalem, kinasarita ni Jesus ti 12 nga adalan ket kinunana kadakuada iti dalan:+ 18 “Sumangsang-attayon idiay Jerusalem, ket mayawatto ti Anak ti tao kadagiti panguluen a papadi ken eskriba. Ikeddengdanto a mapapatay+ 19 sa iyawatda iti tattao kadagiti nasion tapno mapagkakatawaan, masapsaplit, ken mailansa iti kayo.+ Ngem mapagungarto iti maikatlo nga aldaw.”+

31 Imbagana met kadakuada nga adu a rigat ti masapul a mapasaran ti Anak ti tao ken ilaksid dagiti panglakayen, panguluen a papadi, ken dagiti eskriba sa mapapatay+ ngem mapagungar kalpasan ti tallo nga aldaw.+

31 Ta isursurona idi dagiti adalanna ken ibagbagana kadakuada: “Matraidorto ti Anak ti tao iti ima dagiti bumusbusor kenkuana, ket patayendanto,+ ngem uray mapapatay, mapagungarto kalpasan ti tallo nga aldaw.”+

22 ngem kinunana: “Adu a rigat ti masapul a mapasaran ti Anak ti tao ken ilaksid dagiti panglakayen, panguluen a papadi, ken dagiti eskriba sa mapapatay+ ngem mapagungar iti maikatlo nga aldaw.”+

31 Inyadayona bassit ti Sangapulo ket Dua sana kinuna kadakuada: “Sumangsang-attayon idiay Jerusalem, ket matungpalto amin nga insurat dagiti propeta maipapan iti Anak ti tao.+ 32 Kas pagarigan, mayawatto iti tattao kadagiti nasion+ ket mapagang-angawan,+ main-insulto, ken matuptupraan.+ 33 Ken kalpasan a sapsaplitenda, patayendanto,+ ngem mapagungarto iti maikatlo nga aldaw.”+