4 Idi naammuan ti reyna ti Sheba ti amin a kinasirib ni Solomon+ ken nakitana ti balay a binangonna,+ 5 ti taraon iti lamisaanna,+ ti kinaurnos ti tugaw dagiti opisialna, ti panagserbi dagiti serbidorna ken ti badoda, dagiti paraiggem iti kopana, ken dagiti datonna a mapuoran a kanayon nga idatonna iti balay ni Jehova, napalalo ti siddaaw* ti reyna. 6 Gapuna, kinunana iti ari: “Agpayso ti nadamagko idiay lugarmi maipapan kadagiti naaramidam* ken iti kinasiribmo. 7 Ngem diak namati kadagita agingga nga immayak ket nakitak a mismo. Awan pay gayam iti kagudua ti naipadamag kaniak! Adayo a nasirsirib ken nabakbaknangka ngem iti nadamagko.