69 Agtugtugaw idi ni Pedro iti paraangan, ket adda immasideg nga adipen a babai, a nagkuna: “Uray sika, nakikadkaduaka met idi ken Jesus a taga-Galilea!”+ 70 Ngem naglibak iti sanguananda amin ket kinunana: “Diak ammo ti ibagbagam.”

66 Idi adda ni Pedro iti baba iti paraangan, immay ti maysa kadagiti babbai nga adipen ti nangato a padi.+ 67 Idi makitana ni Pedro nga agin-inudo, miningminganna, sana kinuna: “Uray sika, nakikadkaduaka met idi iti daytoy Jesus a Nazareno.” 68 Ngem inlibakna ket kinunana: “Diak am-ammo ken diak maawatan ti ibagbagam,” sa napan iti ruangan.*

55 Idi nangpasgedda iti paginuduan iti tengnga ti paraangan sa nagtugawda amin, nakikatugaw ni Pedro kadakuada.+ 56 Ngem maysa nga adipen a babai ti nakakita kenkuana nga agtugtugaw iti asideg ti narangrang nga apuy. Miningminganna sana kinuna: “Kaduana met daytoy a lalaki.” 57 Ngem inlibak ni Pedro ket kinunana: “Diak am-ammo.”

25 Nakatakder idi ni Simon Pedro ken agin-inudo, ket kinunada kenkuana: “Saan kadi a maysaka met kadagiti adalanna?” Naglibak ket kinunana: “Saan.”+