23 Saan la nga isuda. Agas-asugtayo met,+ datayo nga addaan iti umuna a bungbunga nga isu ti espiritu, bayat a magagarantayo nga agur-uray iti pannakaampontayo kas annak,+ ti pannakawayawaya manipud iti bagitayo babaen ti subbot.

13 Ngem nanginanamakayo met kenkuana kalpasan a nangngegyo ti sao ti kinapudno, ti naimbag a damag maipapan iti pannakaisalakanyo. Kalpasan a namatikayo, naselioankayo*+ babaen kenkuana iti naikari a nasantuan nga espiritu, 14 a maysa a nasaksakbay a garantia* ti tawidtayo,+ tapno babaen ti subbot,+ mawayawayaan dagiti sanikua ti Dios,+ para iti pakaidaydayawan ken pakaipadayaganna.