9 “‘Ti nadalus a tao ti mangurnong kadagiti dapo ti baka+ sa ikabilna iti nadalus a disso iti ruar ti kampo. Masapul a maidulin dagita ken usaren dagiti Israelita a mangisagana iti danum a pagdalus.+ Maysa dayta a daton gapu iti basol.

17 Tapno madalusan ti tao a naibilang a narugit, nasken a maala ti sumagmamano a dapo ti napuoran a daton gapu iti basol ken maikabil iti pagkargaan sa malaokan iti danum ti ubbog.

19 Iti maikatlo ken iti maikapito nga aldaw, iwarsi dayta ti nadalus a tao iti asinoman a maibilang a narugit, ket madalusan ti basol daydiay a tao iti maikapito nga aldaw.+ Kalpasanna, ti tao a madaldalusan masapul a labaanna dagiti badona sa agdigus, ket maibilangen a nadalus no limneken ti init.