25 Isu ket impaay ti Dios kas daton tapno maikappia+ dagiti tattao iti Dios babaen ti pammatida iti dara ti Kristo.+ Inaramid dayta ti Dios tapno maipakitana ti kinalintegna, ta gapu iti panagteppelna, pakpakawanenna dagiti basol a naaramid iti napalabas.

17 Gapuna, masapul nga agbalin a kas kadagiti “kakabsatna” iti amin a banag,+ tapno agbalin a naasi ken matalek a nangato a padi iti panagserbi iti Dios. Iti kasta, maipaayna ti pakikappia a daton*+ para kadagiti basol dagiti tattao.+

26 Ta no kasta, masapul a masansan nga agrigat manipud panangrugi ti sangatauan. Ngem naminsan laengen a nagparang iti panungpalan dagiti sistema ti bambanag* tapno ikkatenna ti basol babaen ti panangidatonna iti bagina.+

2 Ay-ayatek nga annak, isursuratko kadakayo dagitoy tapno dikay agbasol. Ngem no adda asinoman nga agbasol, addaantayo iti katulongan* a kadua ti Ama, ni Jesu-Kristo,+ daydiay nalinteg.+ 2 Isu ti pakikappia a daton*+ para kadagiti basoltayo,+ ngem saan laeng a kadagiti basoltayo no di ket kadagiti basol ti tattao iti intero a lubong.+