Job
24 “Apay a saan a nangikeddeng ti Mannakabalin-amin iti tiempo?+
Apay a ti aldawna* ket saan a makita dagiti agserserbi kenkuana?
3 Agawenda ti asno dagiti awan amana nga ubbing
Ken alaenda ti baka ti balo a babai kas garantia nga agbayad iti utangna.*+
4 Dida ipalubos a magna dagiti napanglaw iti kalsada;
Kapilitan nga ilemmengan ida dagiti kakaasi ditoy daga.+
5 Agbirok dagiti napanglaw iti kanenda a kas kadagiti atap nga asno+ iti let-ang;
Agsapulda iti makan iti desierto para kadagiti annakda.
6 Kapilitan nga aganida iti talon a saanda a kukua*
Ken agburasda kadagiti natedda iti kaubasan dagiti managdakdakes.
8 Maslepda iti tudo iti kabambantayan;
Kumpetda iti dadakkel a bato ta awan paglinonganda.
9 Ti awanan ama nga ubing ket maagaw uray madama nga agsussuso;+
Ket maala ti bado dagiti napanglaw kas garantia nga agbayadda iti utangda,+
10 Isu a kapilitan a rummuarda nga awan badoda,
Ken mabisbisinda bayat nga aw-awitenda dagiti naanida.
11 Agtrabtrabahoda kadagiti natukantukad a pader uray no tengngan ti aldaw;*
Agpespespesda iti ubas ngem mawawda latta.+
12 Umas-asug dagiti matmatay iti siudad;
Agpatpatulong dagiti nakaro ti sugatna,+
Ngem saan a dengdenggen dayta ti Dios.*
13 Adda dagiti manggura iti lawag;+
Saanda a bigbigen ti daldalanna,
Ken saanda a sursuroten dagiti danana.
14 Iti parbangon a bumangon ti mammapatay;
Patayenna dagiti kakaasi ken napanglaw,+
Ket no rabii, mapan agtakaw.
Ket abbonganna ti rupana.
Liklikanda ti lawag.+
17 Kabutengda ti lawag no kasano a kabuteng ti dadduma ti sipnget;
Naruamdan kadagiti nakabutbuteng a pasamak iti nakaro a kinasipnget.
18 Ngem dagus a mayanuddanto.*
Ti dagada ket mailunodto.+
Saandanton nga agsubli kadagiti kaubasanda.
20 Isu ket malipatanton ni nanangna;* pagpiestaanto dagiti igges ti bangkayna.
Awanton a pulos ti makalagip kenkuana.+
Kas iti kayo a mapukanto ti nakillo.
22 Usarento ti Dios ti pigsana a mangdadael kadagiti adda pannakabalinna;
Uray no rumang-ayda, saan a sigurado no agtultuloy ti biagda.
24 Maitan-okda iti apagbiit, ngem awandanton.+
Maipababada+ ken maurnongda kas iti dadduma;
Maputedda a kas kadagiti dawa.
25 Asino ita ti makaibaga nga ulbodak
Wenno asino ti mangibaga a saan nga agpayso ti imbagak?”