Maysa nga Apocalipsis ken Juan

15 Nakakitaak idiay langit iti sabali pay a pagilasinan, nagpaiduma ken nakaskasdaaw, pito nga anghel+ nga addaan iti pito a didigra. Dagitoy ti maudi, ta agpatinggan ti pungtot ti Dios babaen kadagita.+

2 Adda nakitak a kasla sarming a baybay+ a nalaokan iti apuy, ket agtaktakder iti abayna dagiti nangparmek+ iti narungsot nga animal ken iti estatuana+ ken iti numero ti naganna.+ Nakaiggemda kadagiti arpa ti Dios. 3 Ikankantada ti kanta ni Moises+ nga adipen ti Dios ken ti kanta ti Kordero:+

“Naindaklan ken nakaskasdaaw dagiti aramidmo,+ O Jehova* a Dios, ti Mannakabalin-amin.+ Nalinteg ken napudno dagiti dalanmo,+ Ari iti agnanayon.+ 4 Asino ti saan nga agbuteng kenka ken mangipadayag iti naganmo, O Jehova,* ta sika laeng ti napudno?+ Ta umayto ti amin a nasion ket agdaydayawda iti sanguanam,+ ta naipalgak dagiti nalinteg a bilinmo.”

5 Kalpasan daytoy a nakitak, naluktan idiay langit+ ti santuario ti tolda a nagserbi kas saksi.+ 6 Rimmuar iti santuario ti pito nga anghel nga addaan iti pito a didigra,+ a nakabadoda iti nadalus ken nasileng a lienso ken nabariksan ti barukongda iti balitok. 7 Ti maysa kadagiti uppat a sibibiag a parsua inikkanna ti pito nga anghel iti pito a balitok a malukong a napno iti pungtot ti Dios,+ a sibibiag iti agnanayon nga awan inggana. 8 Napno ti santuario iti asuk gapu iti dayag ti Dios+ ken gapu iti pannakabalinna. Awan ti nakastrek iti santuario agingga a nalpas ti pito a didigra+ nga inyeg ti pito nga anghel.