Job
23 Insungbat ni Job:
3 No ammok la koma ti pakasarakak iti Dios!+
Mapanak iti ayanna.+
4 Iyulik ti kasok kenkuana
Ken ibagak ti amin nga argumentok;
5 Maammuak no kasano ti panangsungbatna kaniak
Ken tandaanak dagiti ibagana kaniak.
6 Makirinnason kadi kaniak babaen ti dakkel a pannakabalinna?
Saan, sigurado a denggennak.+
7 Sadiay a makilinnawag kenkuana ti nalinteg a tao,
Ket dagus nga absueltuennak ti Ukomko.
8 Ngem no mapanak iti daya, awan sadiay;
Ken no mapanak iti laud, awan met sadiay.
9 No adda ar-aramidenna iti kannigid, diak makita;
No agpakannawan, diak latta makita.
10 Ngem ammona ti dalan a nagnaak.+
Kalpasan a nasuboknak, agbalinakto a kas iti puro a balitok.+
12 Kanayon a tungpalek dagiti bilinna.
Ipatpategko dagiti saona+ ken ad-adu ti inaramidko ngem iti impaaramidna kaniak.
13 No isu ket determinado, asino ti makalapped kenkuana?+
No adda kayatna nga aramiden, aramidenna dayta.+
14 Ta sigurado a tungpalenna ti panggepna para kaniak,
Ken adu pay ti kasta a panggepna para kaniak.
15 Isu a madanaganak gapu kenkuana;
Dumakkel ti panagbutengko no agpampanunotak maipapan kenkuana.
16 Pinakapuy ti Dios ti pakinakemko,
Ket imparikna kaniak ti Mannakabalin-amin ti buteng.
17 Ngem dinak latta mapaulimek ti nangisit nga ulep
Wenno ti sipnget a nangabbong iti rupak.