Salmo

48 Naindaklan ni Jehova ken maikari unay a maidaydayaw

Iti siudad ti Diostayo, iti nasantuan a bantayna.

 2 Ti Bantay Sion iti adayo a paset ti amianan

Ket nagpintas ken nangato, a pagragsakan ti intero a daga,+

Ti siudad ti Naindaklan nga Ari.+

 3 Kadagiti natibker a torrena,

Impakaammo ti Dios nga isu ket natalged a pagkamangan.+

 4 Ta kitaenyo! Naguummong* dagiti ari;

Immabanteda a sangsangkamaysa.

 6 Awan naaramidanda gapu iti panagamakda,

Madandanaganda a kas iti agpaspasikal nga ina.

 8 Dagiti madamdamagmi idi ket makitkitamin a mismo

Iti siudad ni Jehova a panguluen dagiti armada, iti siudad ti Diostayo.

 9 Pampanunotenmi a naimbag ti napudno nga ayatmo, O Dios,+

Iti uneg ti templom.

10 Kas iti naganmo, O Dios, agsaknap ti

Pannakaidaydayawmo iti intero a daga.+

11 Agragsak koma ti Bantay Sion,+

Agrag-o koma dagiti ili* ti Juda, gapu kadagiti pangngeddengmo.+

12 Agmartsakayo iti aglawlaw ti Sion; likmutenyo dayta,

Bilangenyo dagiti torrena.+

Sukimatenyo dagiti natibker a torrena,

Tapno maestoriayo dayta kadagiti sumaruno a henerasion.