Isaias
2 Saan, dagiti basolyo ti nangisina kadakayo iti Diosyo.+
Inlingedna ti rupana kadakayo gapu iti basolyo,
Ken saannakayo a kayat a denggen.+
Agul-ulbod dagiti bibigyo,+ ken agsasao ti dilayo iti kinakillo.
Agtalekda iti saan nga agpaypayso*+ ken agsaoda iti awan serserbina.
Mangyinawda iti riribuk ket mangyanakda iti makadangran.+
Matay ti asinoman a mangan kadagiti itlogda,
Ken agpessa iti karasaen ti mabtak nga itlog.
Makadangran ti aramidda,
Ken naranggas dagiti imada.+
Makadangran ti pampanunotenda;
Makadadael ken naladingit ti dalanda.+
Kinilloda dagiti kalsadada;
Ti magna kadagita saanna a maammuan ti talna.+
9 Isu nga adayo kadakami ti hustisia,
Ken saannakami a makamakam ti kinalinteg.
Mangnamnamakami iti lawag, ngem kinasipnget ti adda;
Iti kinaraniag, ngem magmagnakami iti kinalidem.+
Maitiklebkami iti tengnga ti aldaw a kas man la rabii a nasipnget;
Kaslakami natay iti nagbabaetan dagiti napigsa.
11 Agas-asugkami amin kas iti oso
Ken agkukkukokkami a sileleddaang kas iti kalapati.
Mangnamnamakami iti hustisia, ngem awan;
Iti pannakaisalakan, ngem adayo kadakami.
Ta ammomi dagiti panagrebeldemi
Ken dagiti basolmi.+
13 Nagbasolkami ken inlibakmi ni Jehova;
Tinallikudanmi ti Diosmi.
Nagsasaritaanmi ti panangidadanes ken panagrebelde;+
Nagulbod ken nagsaokami iti di umiso manipud iti pusomi.+
16 Awan ti nakitana a nalinteg,
Nasdaaw ta awan ti bimmallaet,
Isu nga inyeg ti imana ti pannakaisalakan,*
Ken timmulong ti bukodna a kinalinteg.
18 Gunggonaannanto ida gapu iti inaramidda:+
Pungtot kadagiti kalabanna, dusa kadagiti kabusorna.+
Ken agibalesto kadagiti isla.
19 Agbutengto iti nagan ni Jehova dagidiay adda iti paglennekan ti init
Ken iti dayagna dagidiay adda iti pagsingisingan ti init,
Ta umayto kas iti napegges a karayan,
Nga idurduron ti espiritu ni Jehova.
20 “Umayto iti Sion ti Manangsaka,+
Kadagiti kaputotan ni Jacob a mangtallikud iti basol,”+ kuna ni Jehova.
21 “No maipapan kaniak, daytoy ti tulagko kadakuada,”+ kuna ni Jehova. “Ti espirituk nga adda kenka ken ti saok nga inkabilko iti ngiwatmo—saanto a maikkat iti ngiwatmo, iti ngiwat dagiti annakmo,* wenno iti ngiwat dagiti appokom,”* kuna ni Jehova, “manipud ita ken iti agnanayon.”