UN-UNNOY
א [Alef]*
1 Kaasi pay ta agmaymaysan a nakatugaw, ti siudad a napno idi iti umili!+
Nagbalin a kasla balo, daydi aduan iti populasion iti tengnga dagiti nasion!+
Napilitan nga agtrabaho daydi prinsesa kadagiti probinsia!+
ב [Beth]
2 Napalalo ti panagsangitna iti rabii,+ ket nabasa dagiti pingpingna iti lua.
Awan ti uray maysa kadagiti mangay-ayat kenkuana ti mangliwliwa kenkuana.+
Trinaidor ti amin a kakaduana;+ nagbalinda a kabusorna.
ג [Gimel]
3 Naipanaw ti Juda+ ket naparigat ken naadipen.+
Masapul nga agnaed iti tengnga dagiti nasion;+ awan ti masarakanna a paginanaan.
Amin a mangidaddadanes kenkuana nadanonanda nga agrigrigat.
ד [Daleth]
4 Agladladingit dagiti dalan nga agturong iti Sion, ta awan ti mapan iti piesta.+
Napanawan ti amin a ruanganna;+ agsensennaay dagiti papadina.
Agladladingit dagiti birhenna,* ken napalalo ti leddaangna.
ה [He]
5 Dagiti kalabanna ti nagbalin nga amona;* di maseknan dagiti kabusorna.+
Ta pinagladingit ni Jehova gapu iti adu a basolna.+
Tiniliw ti kalaban dagiti annakna sa impanawna.+
ו [Waw]
6 Naikkat ti amin a kinadayag ti anak a babai ti Sion.+
Dagiti prinsipena ket kasla kadagiti kalakian nga ugsa nga awanan iti pagaraban,
Ken agkakapsutda a magmagna iti sanguanan ti mangidadanes kadakuada.
ז [Zayin]
7 Kadagiti aldaw nga agrigrigat ken awan pagtaenganna, malagip ti Jerusalem
Ti amin a napateg a banag a nabayagen a kukuana.+
Idi naabak ti ilina iti kalaban ken awan ti timmulong kenkuana,+
Nakita dayta dagiti kalaban ket kinatawaanda* ti pannakadadaelna.+
ח [Heth]
8 Nagkaro ti basol ti Jerusalem.+
Isu a nagbalin a makaparurod a banag.
Lalaisenen ti amin a nangpadpadayaw idi kenkuana, ta nakitada ti kinalamolamona.+
Nagsangsangit+ ken pimmanaw gapu iti bain.
ט [Teth]
9 Ti kinarugitna ket adda kadagiti paldana.
Dina pinampanunot ti masakbayanna.+
Nakaam-amak ti pannakadadaelna; awan ti mangliwliwa kenkuana.
O Jehova, kitaem ti panagrigatko, ta nagpannakkel ti kabusor.+
י [Yod]
10 Innala ti kalaban ti amin a gamengna.+
Ta nakitana dagiti nasion a simrek iti santuariona,+
Uray no pinaritam ida a makikadua iti ilim.
כ [Kaf]
11 Agsensennaay ti amin nga umilina; agsapsapulda iti tinapay.+
Insukatda ti napateg a bambanagda iti makan, tapno laeng agbiagda.*
Tumaliawka, O Jehova, ket kitaem ti panagbalinko nga awan serserbina a babai.*
ל [Lamed]
12 Awan kadi ti pannakaseknanyo, dakayo amin a lumablabas?
Tumaliaw ken kumitakayo!
Adda kadi ut-ot a kas iti ut-ot a sagsagabaek,
Nga impalubos ni Jehova a mapasarak iti aldaw ti sumsumged a pungtotna?+
מ [Mem]
13 Manipud ngato, nangibaon iti apuy kadagiti tulangko,+ ket inuramna ti tunggal tulang.
Nangipakat iti iket a pangtiliw iti sakak; pinilitnak nga agsanud.
Pinagbalinnak a nabaybay-an a babai.
Agmalmalem a masakitak.
נ [Nun]
14 Dagiti basolko ket kasla sangol nga inggalutna.
Naikabil dagita iti tengngedko, ket kimmapsutak.
Inyawatnak ni Jehova iti ima dagidiay diak malabanan.+
ס [Samekh]
15 Inikkat ni Jehova ti amin a nabileg a lallaki iti tengngak.+
Nangayab iti grupo ti tattao a bumusor kaniak tapno dadaelenda ti agtutubok a lallaki.+
Impayatpayat ni Jehova ti birhen nga anak ti Juda iti pagpespesan iti ubas.+
ע [Ayin]
16 Agsangsangitak gapu kadagitoy a banag;+ agar-arubos ti lua kadagiti matak.
Ta adayo ti asinoman a mangliwliwa wenno mangbang-ar kaniak.*
Nabaybay-an ti annakko, ta nangabak ti kabusor.
פ [Pe]
17 Inyunnat ti Sion dagiti imana;+ awan ti mangliwliwa kenkuana.
Imbilin ni Jehova iti amin a kabusor iti aglawlaw ni Jacob a lumabanda kenkuana.+
Nagbalin ti Jerusalem a makaparurod a banag kadakuada.+
צ [Tsade]
18 Nalinteg ni Jehova,+ ta nagsukirak iti bilinna.*+
Dumngegkayo, dakayo amin nga ili, ket kitaenyo ti rigatko.
Naipanaw dagiti birhen* ken agtutubok a lallaki.+
ק [Qof]
19 Inawagak dagiti mangay-ayat kaniak, ngem trinaidordak.+
Iti siudad, natay dagiti papadi ken panglakayenko,
ר [Resh]
20 Kumitaka, O Jehova, ta marigrigatanak unay.
Agkibkibur ti unegko.*
Mariribukan ti pusok, ta nakaro ti panagrebeldek.+
Iti ruar, adda maulila gapu iti espada;+ adda met ni patay uray iti uneg ti balay.
ש [Shin]
21 Nangngeg dagiti tattao ti panagsennaayko; awan ti mangliwliwa kaniak.
Nadamag ti amin a kabusorko ti pannakadidigrak.
Nagragsakda, ta impagtengmo dayta.+
Ngem ipagtengmonto ti aldaw nga impakaammom,+ inton agbalinda a kas kaniak.+
ת [Taw]
22 Dumteng koma iti sanguanam ti amin a kinadakesda, ket dusaem ida,+
Kas iti panangdusam kaniak gapu iti amin a basolko.
Ta adu ti sennaayko, ken agsakit ti pusok.
א [Alef]
2 Anian ta inabbongan ni Jehova iti ulep ti anak a babai ti Sion gapu iti pungtotna!
Intapuakna ditoy daga ti kinapintas ti Israel manipud langit.+
Saanna a linagip ti pagbatayan ti sakana+ iti aldaw ti pungtotna.
ב [Beth]
2 Saan a naasian ni Jehova a nangalimon iti amin a pagnaedan ni Jacob.
Gapu iti pungtotna, rinebbana dagiti pader ti anak a babai ti Juda.+
Impababana iti daga ken linaisna ti pagarian+ ken dagiti prinsipena.+
ג [Gimel]
3 Pinutedna ti amin a bileg* ti Israel gapu iti nabara a pungtotna.
Insanudna ti kannawan nga imana idi umasideg ti kabusor,+
Agtultuloy a simged ti nabara a pungtotna iti Jacob a kas iti apuy a nanguram iti amin nga adda iti aglawlawna.+
ד [Daleth]
4 Imbiatna* ti panana a kas iti kabusor; insaganana ti kannawan nga imana a dumarup a kas iti kalaban;+
Pinapatayna amin a makaay-ayo iti mata.+
Ken imbukbokna ti pungtotna a kas iti apuy+ iti tolda ti anak a babai ti Sion.+
ה [He]
Inalimonna amin a torrena;
Dinadaelna amin a paderna.
Ken pinakarona ti panagladingit ken panagunnoy ti anak a babai ti Juda.
ו [Waw]
6 Dinadaelna ti abong-abongna,+ a kas iti kalapaw iti hardin.
Pinagpatinggana* ti piestana.+
Impalubos ni Jehova a malipatan ti piesta ken sabbath iti Sion,
Ken linaksidna ti ari ken padi gapu iti nakaro a pungtotna.+
ז [Zayin]
Insukona iti kabusor dagiti pader ti natibker a torrena.+
Nagpukkawda iti balay ni Jehova,+ kas iti aldaw ti piesta.
ח [Heth]
8 Inkeddeng ni Jehova a dadaelen ti pader ti anak a babai ti Sion.+
Inyunnatnan ti pagrukod.+
Saanna nga inggawid ti imana a mangdadael.*
Pinagladingitna ti baluarte ken pader.
Agpada a kimmapuy dagita.
ט [Teth]
9 Nailumlom iti daga dagiti ruanganna.+
Nadadael ken natukkol dagiti trangkana.
Adda iti tengnga dagiti nasion ti ari ken dagiti prinsipena.+
Awan ti linteg;* uray dagiti propetana awan ti nasirmatada manipud ken Jehova.+
י [Yod]
10 Siuulimek a nakadalupisak dagiti panglakayen ti anak a babai ti Sion.+
Purpuruakanda ti uloda iti tapok ken nakabadoda iti nakersang a lupot.+
Nagdumog iti daga dagiti birhen ti Jerusalem.
כ [Kaf]
11 Nabannogen ti matak nga agsangsangit.+
Agkibkibur ti unegko.*
Naipuruak iti daga ti dalemko gapu iti pannakadadael ti anak a babai* ti ilik,+
Gapu ta mataltalimudaw dagiti ubbing ken maladaga kadagiti plasa ti ili.+
ל [Lamed]
12 Isalsaludsodda kadagiti innada, “Ayan ti bukbukel ken arak?”+
Bayat a mataltalimudawda a kasla nasugatan kadagiti plasa ti siudad,
Bayat a mauy-uyos ti biagda iti takiag dagiti innada.
מ [Mem]
13 Ania ti usarek kas testigo,
Wenno ania ti pangyaspingak kenka, O anak a babai ti Jerusalem?
Ania ti pangikomparaak kenka, tapno liwliwaenka, O birhen nga anak ti Sion?
Ta ti pannakadadaelmo ket kas kalawa ti baybay.+ Asino ti makapaimbag kenka?+
נ [Nun]
14 Ulbod ken awan serserbi dagiti nasirmata dagiti propetam para kenka,+
Ken saanda nga imbutaktak ti biddutmo tapno saanka koma a maipanaw,+
No di ket intultuloyda ti nagsirmata iti ulbod ken makayaw-awan a mensahe.+
ס [Samekh]
15 Nagpalakpak ti amin a lumablabas kas pananglais kenka.+
Nagsanaltekda* iti siddaawda+ ken nginilangilanda ti anak a babai ti Jerusalem, a kinunada:
“Daytoy kadi ti siudad nga ibagbagada, ‘Naan-anay ti kinapintasna, ti pagragsakan ti intero a daga’?”+
פ [Pe]
16 Nagnganga amin a kabusormo gapu kenka.
Nagsagawisiw ken nagngaretngetda sa imbagada: “Inalimontay idan.+
Daytoyen ti aldaw nga ur-urayentayo!+ Dimtengen, ket nakitatayon!”+
ע [Ayin]
Awanan asi a nangdadael.+
Impalubosna nga agragsak ti kabusormo gapu kenka; pinabilegna* dagiti kalabanmo.
צ [Tsade]
18 Imkis ti pusoda ken Jehova, O pader ti anak a babai ti Sion.
Aldaw ken rabii a pagarubosem dagiti lua a kas iti napegges nga ayus.
Dimo paginanaen ti bagim ken ti matam.*
ק [Qof]
19 Tumakderka! Agsangitka iti rabii, iti rugi dagiti panagbantay.
Ibukbokmo ti pusom a kas iti danum iti sanguanan ni Jehova.
Ingatom kenkuana dagiti imam para iti biag* dagiti annakmo,
A mataltalimudaw iti nakaro a bisin iti tunggal suli ti kalsada.*+
ר [Resh]
20 Kumitaka, O Jehova, ket taliawem dagiti dinusam.
Rumbeng kadi nga itultuloy a kanen dagiti babbai ti kaputotanda,* ti nasalun-at nga annak nga impasngayda,+
Wenno rumbeng kadi a mapapatay dagiti papadi ken propeta iti santuario ni Jehova?+
ש [Shin]
21 Agkaiwara iti kalsada dagiti bangkay ti ubbing ken lallakay.+
Natay iti espada dagiti birhen* ken agtutubok a lallaki.+
Pimmatayka iti aldaw ti pungtotmo; saanka a naasian a pimmatay.+
ת [Taw]
22 Kas iti aldaw ti piesta,+ inayabam dagiti pagbutbutngak manipud iti amin a direksion.
Iti aldaw ti pungtot ni Jehova, awan ti nakalibas wenno nakalasat;+
Dagidiay inyanakko* ken pinadakkelko, pinatay amin ti kabusorko.+
א [Alef]
3 Siak ti tao a nakakita iti rigat gapu iti sarukod ti pungtotna.
2 Pinaruarnak ken pinapagnanak iti sipnget, saan nga iti lawag.+
3 Kinapudnona, maulit-ulit a kinabilnak iti agmalmalem.+
ב [Beth]
4 Rinunotna ti lasag ken kudilko;
Tinukkolna dagiti tulangko.
5 Pinalawlawannak; pinalikmutannak iti napait a sabidong+ ken panagrigat.
6 Pinilitnak nga agtugaw kadagiti nasipnget a lugar, kas iti tattao a nabayagen a natay.
ג [Gimel]
8 Linaksidna* ti kararagko idi nagpatulongak.+
ד [Daleth]
10 Nagur-uray a mangtambang kaniak a kas iti oso, kas iti leon nga aglemlemmeng.+
12 Imbiatna* ti panana, ket siak ti puntiriana.
ה [He]
13 Sinalputna dagiti batok* babaen kadagiti pana* iti pagkargaanna.
14 Nagbalinak a pagkakatawaan ti amin a tattao, siak ti agmalmalem nga ikankantada.
15 Pinunnonak iti napait a bambanag ken pinainumnak iti mula nga ajenjo.+
ו [Waw]
17 Impaidammo kaniak* ti talna; nalipatak ti naimbag.
18 Isu a kinunak: “Napukawen ti kinadaegko, kasta met ti namnamak ken Jehova.”
ז [Zayin]
19 Lagipem ti panagrigatko ken ti kaawan ti pagtaengak,+ ti ajenjo ken ti napait a sabidong.+
20 Sigurado a malagipmonto ket agrukobkanto kaniak.+
21 Nalagipko daytoy iti pusok; isu nga agan-anusakto nga aguray.+
ח [Heth]
23 Binigat a mangipakita iti asi;+ kanayon a matalek.+
24 “Ni Jehova ti bingayko,”+ kinunak, “isu nga agan-anusakto nga aguray kenkuana.”+
ט [Teth]
25 Naimbag ni Jehova iti daydiay mangnamnama kenkuana,+ iti tao* a mangbirbirok kenkuana.+
26 Nasayaat ti aguray a siuulimek*+ iti panangisalakan ni Jehova.+
27 Nasayaat nga agawit iti sangol ti maysa a tao bayat nga agtutubo pay.+
י [Yod]
28 Bay-am nga agmaymaysa nga agtugaw ken agulimek no ipabaklay ti Dios dayta kenkuana.+
29 Bay-am nga isubsobna ti rupana iti tapok;+ mabalin nga adda pay namnama.+
30 Bay-am nga itayana ti pingpingna iti mangkabil kenkuana; bay-am a main-insulto.
כ [Kaf]
31 Ta saannatayto a baybay-an ni Jehova iti agnanayon.+
32 Nupay pinagladingitnatayo, kaasiannatayto met maitunos iti dakkel a napudno nga ayatna.+
33 Ta iti pusona, dina kayat a parigaten wenno pagladingiten ti annak ti tattao.+
ל [Lamed]
34 Ti panangipayatpayat iti amin a balud iti daga,+
35 Ti panangipaidam iti hustisia iti maysa a tao iti sanguanan ti Kangatuan,+
36 Ti panangsaur iti kaso ti maysa a tao,
—Saan a panuynoyan ni Jehova ti kasta a bambanag.
מ [Mem]
37 Asino ngarud ti makaibaga ken makaaramid iti dayta malaksid no ibilin ni Jehova?
38 Iti ngiwat ti Kangatuan,
Saan nga aggiddan a rummuar ti dakes ken naimbag a bambanag.
39 Apay koma nga agreklamo ti sibibiag a tao iti bunga ti basolna?+
נ [Nun]
40 Sukimaten ken usigentayo koma dagiti dalantayo,+ ket agsublitayo ken Jehova.+
41 Naimpusuan nga agpakaasitayo iti Dios idiay langit ken ingatotayo ti imatayo, ket ibagatayo:+
42 “Nagbasol ken nagrebeldekami,+ ket saanka a nangpakawan.+
ס [Samekh]
44 Binangenam iti ulep ti iyaasidegmi kenka, tapno saan a makadanon ti kararagmi.+
45 Pinagbalinnakami a rugit ken basura iti tengnga dagiti ili.”
פ [Pe]
46 Pinagsasawandakami ti amin a kabusormi.+
47 Kanayon a mabuteng ken masiluankami,+ ket nabaybay-an ken nadadaelkami.+
48 Agar-arubos ti lulua iti matak gapu iti pannakadadael ti anak a babai ti ilik.+
ע [Ayin]
51 Nagladingitak gapu iti nakitak a napasamak iti amin nga annak a babbai ti siudadko.+
צ [Tsade]
52 Awan gapgapuna a siniluandak dagiti kabusorko a kas iti billit.
53 Pinadasda a pagpatinggaen ti biagko iti abut; ginaburandak iti batbato.
54 Nagayus ti danum iti ulok, ket kinunak: “Sigurado a matayakon!”
ק [Qof]
55 Inawagak ti naganmo, O Jehova, manipud iti kaunegan nga abut.+
56 Denggem ti timekko; dimo apputen ti lapayagmo iti panagdawatko iti tulong ken bang-ar.
57 Immasidegka idi aldaw nga inawaganka. Kinunam: “Dika agbuteng.”
ר [Resh]
58 Indepensam ti kalintegak,* O Jehova, sinubbotmo ti biagko.+
59 Nakitam, O Jehova, ti dakes a naaramid kaniak; pangngaasim ta ipaayannak iti hustisia.+
60 Nakitam ti amin a panagibalesda, ti amin a dakes a panggepda kaniak.
ש [Sin] wenno [Shin]
61 Nangngegmo ti pananginsultoda, O Jehova, ti amin a dakes a panggepda kaniak,+
62 Ti bibig dagiti bumusbusor kaniak ken ti agmalmalem a panagiinnarasaasda maibusor kaniak.
63 Kitaem ida; agtugawda man wenno agtakderda, lalaisendak kadagiti kantada!
ת [Taw]
64 Balsemto ida, O Jehova, maitunos iti aramidda.
65 Patangkenemto ti pusoda, kas panangilunodmo kadakuada.
66 Kamatemto ida gapu iti ungetmo, O Jehova, ket ibusem ida iti baba ti langit.
א [Alef]
4 Anian ta limmidem ti nasileng a balitok, ti nasayaat a balitok!+
Anian ta naiwarawara dagiti nasantuan a bato+ iti tunggal suli ti kalsada!*+
ב [Beth]
2 No maipapan iti napateg nga annak ti Sion, a kas kapateg ti nasayaat a balitok,
Anian ta naibilangda kas damili a pagkargaan,
Nga inaramid ti ima ti agdamdamili!
ג [Gimel]
3 Uray dagiti chakal pasusuenda dagiti ukenda,
Ngem nagbalin a naranggas ti anak a babai ti ilik,+ a kas kadagiti abestrus iti let-ang.+
ד [Daleth]
4 Ti dila ti agsussuso a maladaga dimket iti ngadasna gapu ta mawaw.
Agpakaasi dagiti ubbing iti tinapay,+ ngem awan ti mangted.+
ה [He]
5 Dagiti naruam a mangan iti naimas a taraon napalalo ti bisinda* a nakaidda kadagiti kalsada.+
Dagiti napadakkel nga agbadbado iti nalabaga+ nagiddada iti bunton ti dapdapo.
ו [Waw]
6 Nakarkaro ti dusa* ti anak a babai ti ilik ngem ti dusa ti Sodoma gapu iti basolna,+
A nadadael iti apagbiit, ken awan ti timmulong kenkuana.+
ז [Zayin]
7 Nasinsin-aw dagiti Nazareona+ ngem iti niebe, napurpurawda ngem iti gatas.
Nalablabagada ngem iti korales; kaslada napasileng a safiro.
ח [Heth]
Kimbet ti kudilda iti tulangda;+ nagbalinda a kasla nagango a kayo.
ט [Teth]
9 Nasaysayaat pay dagiti natay iti espada ngem dagiti natay iti nakaro a bisin,+
Dagiti agkakapsuten, a kasla naduyok iti espada gapu ta awan ti taraon manipud iti talon.
י [Yod]
10 Ti ima ti naasi a babbai ti nangluto iti bukodda nga annak.+
Dagita ti nagbalin a taraonda iti panagladingitda bayat ti pannakadadael ti anak a babai ti ilik.+
כ [Kaf]
Ken nangpasged iti apuy iti Sion a nanguram kadagiti pundasionna.+
ל [Lamed]
12 Saan a namati dagiti ari ti daga ken amin nga agnanaed iti dayta
A makastrek ti kalaban ken ti kabusor kadagiti ruangan ti Jerusalem.+
מ [Mem]
13 Gapu dayta iti basol dagiti propetana, iti biddut dagiti padina,+
A nangibukbok iti dara dagiti nalinteg iti tengnga ti siudad.+
נ [Nun]
14 Nagpagnapagnada a kasla bulsek+ kadagiti kalsada.
Narugitanda iti dara,+
Isu nga awan ti makasagid kadagiti badoda.
ס [Samekh]
15 “Umadayokayo! Narugitkayo!” impukkawda kadakuada. “Umadayokayo! Umadayokayo! Didakam sagiden!”
Ta awanen ti pagyananda ken agakar-akarda.
Kinuna ti tattao dagiti nasion: “Dida mabalin ti makipagnaed kadatayo.*+
פ [Pe]
Saanton a raemen ti tattao dagiti papadi,+ didanto maayatan kadagiti panglakayen.”+
ע [Ayin]
17 Uray ita, nabannogen ti matami nga agbirbirok iti tulong.+
Agpatpatulongkami iti maysa a nasion a saan a makaisalakan kadakami.+
צ [Tsade]
18 Binirbirokdakami iti sadinoman+ isu a saankami a makapagna kadagiti plasami.
Asidegen ti patinggami; agngudon dagiti aldawmi, ta agpatinggakamin.
ק [Qof]
19 Naparpartak dagiti mangkamkamat kadakami ngem kadagiti agila iti tangatang.+
Kinamatdakami iti bambantay; tinambangandakami iti let-ang.
ר [Resh]
20 Ti anges dagiti agongmi, daydiay dinutokan* ni Jehova,+ ket natiliw iti dakkel nga abutda,+
Daydiay nangibagaanmi: “Agbiagkamto iti linongna iti tengnga dagiti nasion.”
ש [Sin]
21 Agragsak ken agrag-oka, O anak a babai ti Edom,+ kas iti panagnaedmo idiay Uz.
Ngem maipasanto met kenka ti kopa,+ ket mabartekkanto ken makita ti kinalamolamom.+
ת [Taw]
22 Agpatinggan ti dusam gapu iti biddutmo, O anak a babai ti Sion.
Saannakanto nga ipanaw manen.+
Ngem dusaennakanto gapu iti biddutmo, O anak a babai ti Edom.
Ibutaktaknanto dagiti basolmo.+
5 Lagipem, O Jehova, ti napasamak kadakami.
Tumaliawka ket kitaem ti pannakaibabainmi.+
2 Naited ti tawidmi kadagiti estranghero, ken dagiti balaymi kadagiti ganggannaet.+
3 Nagbalinkami nga ulila nga awanan ama; kasla balo dagiti innami.+
4 Kasapulan a gatangenmi ti bukodmi a danum+ ken ti bukodmi a pagsungrod.
6 Nagpannuraykami iti Egipto+ ken Asiria,+ tapno adda umdas a kanenmi.
7 Awanen dagidi nagbasol nga ammami, ngem masapul nga awitenmi dagiti biddutda.
8 Iturturayandakami ita dagiti adipen; awan ti mangisalakan kadakami iti imada.
9 Irisrisgomi ti biagmi* nga agala iti taraonmi,+ gapu kadagiti nakaespada iti let-ang.
10 Bimmara ti kudilmi a kas iti urno, gapu iti nakaro a bisin.+
11 Imbabainda* ti assawa a babbai iti Sion, dagiti birhen kadagiti siudad ti Juda.+
12 Naibitin dagiti prinsipe babaen ti imada,+ ken saan a naraem dagiti panglakayen.+
13 Nagbagkat iti gilingan ti agtutubo a lallaki, ken natuang ti ubbing a lallaki nga agaw-awit kadagiti nadagsen a pagsungrod.
14 Awanen dagiti panglakayen iti ruangan ti siudad;+ saanen nga agtoktokar iti musika ti agtutubo a lallaki.+
15 Saanen a naragsak ti pusomi; nagbalinen a panagleddaang ti panagsasalami.+
16 Natnag ti korona ti ulomi. Kaasikami pay, ta nagbasolkami!
17 Agsakit ti pusomi gapu iti daytoy,+
Ken kimmudrep ti matami gapu kadagitoy a banag,+
18 Gapu ta napanawan ti Bantay Sion;+ aggigianen sadiay dagiti sora.
19 No maipapan kenka, O Jehova, nakatugawka iti tronom iti agnanayon.
Agtalinaed ti tronom iti agnanayon.+
20 Apay a linipatnakami iti agnanayon ken binaybay-annakami iti nabayag?+
21 Isublinakami kenka, O Jehova, ket nakasaganakami nga agsubli kenka.+
Pabaruem dagiti aldawmi a kas idi un-unana.+
22 Nupay kasta, naan-anay a linaksidnakami.
Nakaro latta ti pungtotmo kadakami.+
Ti kapitulo 1-4 ket dung-aw a naurnos sigun iti Hebreo nga alpabeto, wenno akrostiko.
Wenno “agtutubo a babbaina.”
Lit., “ulona.”
Wenno “nagragsakanda.”
Wenno “tapno mabang-aran ti kararuada.”
Nailadawan ti Jerusalem kas babai.
Wenno “iti kararuak.”
Lit., “bibigna.”
Wenno “agtutubo a babbai.”
Wenno “tapno mabang-aran ti kararuada.”
Lit., “bagisko.”
Lit., “tunggal sara.”
Lit., “Impayatna.”
Wenno “Dinadaelna.”
Lit., “mangalun-on.”
Wenno “instruksion.”
Lit., “bagisko.”
Maysa a personipikasion, nalabit mangyebkas iti asi wenno simpatia.
Lit., “Nagsagawisiwda.”
Lit., “inngatona ti sara.”
Lit., “anak a babai ti matam.”
Wenno “kararua.”
Lit., “iti ulo ti amin a kalsada.”
Wenno “bungada.”
Wenno “agtutubo a babbai.”
Wenno “pinadakkelko a nasalun-at.”
Wenno “Linapdanna; Sinerraanna.”
Wenno mabalin a, “binay-anna nga awan maar-aramidak.”
Lit., “Impayatna.”
Iti Ingles, “kidney.”
Lit., “annak.”
Wenno “iti kararuak.”
Wenno “kararua.”
Wenno “siaanus.”
Wenno “dagiti kaso ti kararuak.”
Lit., “iti ulo ti amin a kalsada.”
Lit., “nabaybay-anda.”
Lit., “kamali.”
Lit., “nangisit.”
Wenno “agnaed ditoy kas ganggannaet.”
Wenno “pinulotan.”
Wenno “kararuami.”
Wenno “Rinamesda.”