NAHUM
1 Mensahe maibusor iti Nineve:+ Ti libro ti sirmata ni Nahum* nga Elkosita:
2 Ni Jehova ket Dios nga agkidkiddaw iti naipamaysa a debosion+ ken agibales;
Agibales ni Jehova ken nakasagana a mangyebkas iti pungtotna.+
Agibales ni Jehova kadagiti kalabanna,
Ket urnongenna ti pungtotna para kadagiti kabusorna.
3 Ni Jehova ket nabannayat nga agpungtot+ ken dakkel ti pannakabalinna,+
Ngem sigurado nga ipalak-am ni Jehova ti maiparbeng a dusa.+
Adda makadadael nga angin ken bagyo iti dalanna,
Ken dagiti ulep ti tapok dagiti sakana.+
Malaylay ti Basan ken Carmelo,+
Ken dagiti sabong ti Lebanon.
Mariribukto ti lubong gapu iti rupana,
Kasta met ti daga ken ti amin nga agnanaed iti dayta.+
6 Asino ti makaibtur iti pungtotna?+
Ken asino ti makaanus iti bara ti ungetna?+
Maibukbokto ti pungtotna a kas iti apuy,
Ken maburakto dagiti dadakkel a bato gapu kenkuana.
7 Naimbag ni Jehova,+ ti pagkamangan iti aldaw ti rigat.+
Sipapanunot kadagidiay* agkamang kenkuana.+
8 Naan-anayto a dadaelenna ti Nineve* babaen ti dakkel a layus,
Ken kamatento ti kinasipnget dagiti kabusorna.
9 Anianto ti panggepyo maibusor ken Jehova?
Isu ti naan-anay a mangdadael.
Saanto a tumaud manen ti rigat.+
10 Ta nalagalagada a kas kadagiti siit,
Ken kaslada kadagiti nabartek iti serbesa;*
Ngem maibusdanto a kas iti nagango a garami.
11 Addanto tumaud kenka nga agpanggep iti dakes ken Jehova,
A mangted iti awan serserbina a balakad.
12 Daytoy ti kinuna ni Jehova:
“Uray no napigsada ken aduda,
Madadael ken mataydanto* latta.
Pinarigatka* ngem saankanton a parigaten.
Ikkatekto dagiti kinitikitan nga imahen ken metal nga estatua* iti balay* dagiti diosmo.
Iyaramidankanto iti tanem, ta makaparurodka.’
15 Magmagna iti rabaw ti bambantay dagiti saka daydiay mangidandanon iti naimbag a damag,+
Daydiay mangipakpakaammo iti talna.
Selebraram dagiti piestam,+ O Juda, tungpalem dagiti karim,
Ta saanto a lumabas manen kenka daydiay awan serserbina.
Naan-anayto a madadael.”
2 Bimmusor kenka* daydiay agiwarwara.+
Guardiaam dagiti pader.
Bantayam ti dalan.
Agsaganaka* ken urnongem ti amin a pigsam.
2 Ta isublinto ni Jehova ti pagpampannakkel ti Jacob,
Ken ti pagpampannakkel ti Israel,
Ta dinadael ida dagidiay manangdadael kadakuada;+
Ken dinadaelda dagiti saringitda.
3 Natinaan iti nalabaga dagiti kalasag ti nabileg a lallakina,
Krimson ti kolor ti bado dagiti mannakigubatna.
Agraniag a kas iti apuy ti landok dagiti pakigubat a karuahena
Iti aldaw nga agsagana a makigubat,
Ken maiwasawas dagiti pika a kayo ti parwa.
4 Aglilinnumba iti kalsada dagiti karuahe a pakigubat.
Napartakda a sumang-at ken sumalog kadagiti plasa.
Agraniagda a kas iti umap-apuy nga aluten ken agsilnagda a kas iti kimat.
5 Ayabannanto dagiti opisialna.
Matuangdanto bayat ti panagabanteda.
Agdardarasda a mapan iti paderna;
Mangikabilda iti barikada.
7 Naikeddengen:* Daytoy a siudad ket reyna a naibabain,
Naipanawen, ket agsangsangit dagiti adipenna a babbai;
Kasla kalapati ti unida bayat a bambanugbogenda ti barukongda.*
“Agsardengkayo! Agsardengkayo!”
Ngem awan ti agsubsubli.+
9 Ipanawyo ti pirak, ipanawyo ti balitok;
Saan a mabilang ti kaadu ti gameng.
Napno iti amin a kita ti napateg a bambanag.
10 Awan nagyan ti siudad, napanawan, ken nadadael!+
Narunaw ti pusoda iti buteng, nagkutukot ti tumengda, nagpigerger ti patongda;
Limmabbaga amin a rupada.
11 Ayan ti apon dagiti leon,+ ken ti pangpanganan dagiti urbon a leon,*
Ti rummuaran ti leon a mangidaulo iti urbonna,
Nga awan ti pagbutnganda?
12 Rinangrangkay ti leon ti naanupna nga umanay kadagiti urbonna
Ken ti binekkelna para kadagiti kabaian a leon.
Pinunnona ti aponna iti naanupna,
Ti aponna iti narangrangkay nga animal.
13 “Busorenka,” kuna ni Jehova a panguluen dagiti armada,+
“Puorakto a naan-anay dagiti karuahena a pakigubat,+
Ken ibusento ti espada dagiti urbon a leonmo.*
Pagpatinggaekto ti panaganupmo iti daga,
Ket saanton a mangngeg ti uni dagiti mensaherom.”+
3 Kaasi pay ti siudad ti panagibukbok iti dara!
Napnuan iti panangallilaw ken panagtakaw.
Kanayon nga adda biktimana!
2 Adda sadiay ti uni ti saplit ken ti karadakad dagiti pilid,
Ti napartak a kabalio ken ti agsaltesaltek a karuahe.
3 Ti nakasakay a kumakabalio, ti gumilapgilap nga espada, ken ti nasileng a pika,
Ti nakaad-adu a napapatay ken ti nabunton a bangkay
—Saan a mabilang ti kaadu dagiti natay.
Matmatuangda gapu kadagiti bangkay.
4 Gapu daytoy iti adu a panagbalangkantisna,
Isu ket makaatrakar ken makaay-ayo, nalaing nga agkulam,
Nga inallilawna dagiti nasion iti panagbalangkantisna ken dagiti pamilia iti panagkulamna.
5 “Busorenka,”* kuna ni Jehova a panguluen dagiti armada,+
“Ilukaiskonto ti paldam a mayabbong iti rupam;
Ipakitakto kadagiti nasion ti kinalamolamom,
Ken kadagiti pagarian ti pannakaibabainmo.
Asinonto ti makipagrikna kenkuana?’
Sadino ti pagbirokak kadagiti mangliwliwa kenka?
8 Nasaysayaatka kadi ngem iti No-amon,*+ a nakatugaw iti igid dagiti kanal ti Nilo?+
Napalikmutan iti danum;
Ti baybay ti kinabaknangna ken ti baybay ti paderna.
9 Ti Etiopia ti paggapuan ti dakkel a pigsana, kasta met ti Egipto.
Ti Put+ ken dagiti Libyano ti timmulong kenka.+
Siraranggas met a napapatay ti annakna iti tunggal suli ti kalsada.*
Nagbibinnunotanda dagiti mararaem a lallakina,
Ken pinosasanda ti amin a natan-ok a lallakina.
Agkamangkanto gapu iti kabusor.
12 Amin a padermo ket kas kadagiti kayo a higos nga adda umuna a naluom a bungbungana;
No magunggonda, matnagda iti ngiwat ti manangalun-on.
13 Dagiti soldadom ket kas kadagiti nakapuy a babbai iti tengngam.
Maluktanto dagiti ruangan ti dagam para kadagiti kabusormo.
Ibusento ti apuy ti trangka dagiti ruanganmo.
14 Agsakdoka iti danum para iti iraraut!+
Patibkerem dagiti padermo.
Mapanka iti kapitakan ket payatpayatem ti pila;
Iggamam ti pagsukogan ti ladrilio.
15 Uray sadiay ibusennakanto ti apuy.
Papatayennakanto ti espada.+
Alun-onennakanto a kas iti aramiden ti awan pay payakna a dudon.+
Paaduem ti bilangmo a kas kadagiti awan pay payakna a dudon!
Wen, paaduem ti bilangmo a kas kadagiti dudon!
16 Pinaadum dagiti komersiantem nga ad-adu ngem kadagiti bituen ti langit.
Naglupos dagiti awan pay payakna a dudon ket nagtayabda.
17 Dagiti guardiam ket kas kadagiti dudon,
Ken dagiti opisialmo ket kas iti pangen ti dudon.
Agkampoda kadagiti kulongan a bato iti nalamiis nga aldaw,
Ngem agtayabda no agsilnagen ti init;
Ket awan ti makaammo iti ayanda.
18 Makaturturog dagiti pastormo, O ari ti Asiria;
Agyan dagiti natan-okmo iti pagtaenganda.
Naiwarawara ti ilim iti bambantay,
Ket awan ti mangummong kadakuada.+
19 Awan ti mangbang-ar kenka iti didigram.
Saanen nga umimbag ti sugatmo.
Agpalakpakto ti amin a makadamag iti napasamak kenka;+
Ta asino ti saan a nagsagaba iti nakaro a kinaranggasmo?”+
Kaipapananna, “Manangliwliwa.”
Wenno “Aywananna dagidiay.” Lit., “Ammona dagidiay.”
Lit., “ti lugarna.”
Wenno “serbesa a trigo.”
Wenno mabalin a, “ken lumabasto.”
Kayatna a sawen, ti Juda.
Kayatna a sawen, ti Asiria.
Wenno “sinukog nga estatua.”
Wenno “templo.”
Kayatna a sawen, ti Nineve.
Lit., “Patibkerem ti patongmo.”
Wenno “marpuogto.”
Wenno “Saanen a mabaliwan.”
Lit., “pusoda.”
Wenno “burboran a bumaro a leon.”
Wenno “burboran a bumaro a leonmo.”
Kayatna a sawen, ti Nineve.
Kayatna a sawen, ti Tebes.
Lit., “iti ulo ti amin a kalsada.”