Maysa a Biblia a Maipaay kadagiti Serioso nga Estudiante ti Biblia

Iti panagsuratna iti The Classical Journal, ni Thomas N. Winter iti University of Nebraska inrekomendarna ti The Kingdom Interlinear Translation of the Greek Scriptures kadagiti estudiantena. “Daytoy saan nga ordinario nga interlinear,” kinunana. “Ti kinatarnaw ti teksto naitalimeng, ket ti Ingles nga agparang iti babaenna isu ti kangrunaan a kaipapanan ti Griego a sao. Gapuna ti interlinear a paset ti libro saan a patarus. Ti teksto nga addaan iti dagus a bokabulario ti ad-adda a mangdeskribir iti dayta. Ti patarus a nagsayaatan nga Ingles ti agparang iti akikid a benneg iti kanawan iti panid. . . .

“Kalpasan ti panangsukimat iti kopia,” kinuna pay ni Winter, “Inikkak ti sumagmamano nga interesado a segunda año nga estudiante a Griego iti dayta kas katulongan a teksto. Awan ti asignatura a maaramid a maipaay iti dayta: dagiti estudiante, a mangikadua iti tarigagayda a makasuro iti Griego iti gagangay nga interesda iti orihinal ti Baro a Tulag, ti mangadal iti dayta a bukbukodda. Basaenda ti Griego (nabileg ti panangirekomendarko a basaenda a napigsa), awatenda a sipapasnek ti Ingles, ket iti kasta agtungpalda a mangpasayaat iti Griegoda. . . .

“Ti teksto naibatay iti patarus ni Brooke F. Westcott and Fenton J. A. Hort (1881, repr.), ngem ti patarus ti di ammo a komite ti naan-anay nga up-to-date ken siuumiso. No agpada ti King James ken Revised Standard, kas pangarigan, a nangusar iti ‘mamasirib’ a maipaay iti Griego a magoi (e.g., Mat. 2:1, 2:7, 2:16), ti Kingdom Interlinear inusarna ti ‘astrologo,’ ti ad-adda nga umiso ken mangipaay impormasion a patarus. Ti libro naannad ti pannakaisuratna ken pannakaiprentana.

“Iti pananggupgop, no ti maysa a Saksi umay iti ruanganyo, ti klasiko, Griego nga estudiante, wenno estudiante ti Biblia nasayaat no paunegenna ket agpedido. Wenno mabalinyo ti direkta nga agpedido idiay Brooklyn.”

Mabalinyo ti umawaten itoy nagsayaatan a sao por sao a patarus iti teksto ti Griego a Biblia maipaay laeng iti ₱49 babaen laeng iti panangsuratyo ken panangibusonyo iti naipakuyog a kupon.

Pangngaasiyo ta mangipatulodkayo, nabayadanen ti seliona, ti 1,184-panid, natangken-akkubna a Biblia a The Kingdom Interlinear Translation of the Greek Scriptures. Nangisapitak iti ₱49.