“Solusion kadagiti Amin a Parparikuttayo”

Dayta ti kunaen ti maysa nga agtutubo manipud Puerto Rico a masarakan iti libro a Ti Kinaagtutuboyo​—Pananggun-od ti Kasayaatan iti Dayta. Isut’ nagsurat:

“Di pay nabayag nagsuratak kadakayo maipapan iti parikutko, masturbesion, ket dinawatko nga ikkandak iti balakad babaen iti panangiparangyo iti impormasion iti magasinyo. Bueno, maysa a gayyemko, maysa kadagiti Saksi ni Jehova, ti nangited kaniak iti libro a Ti Kinaagtutuboyo​—Pananggun-od ti Kasayaatan iti Dayta a basaek. Daytoy napasamak agarup makabulanen. Kayatko a maammuanyo a nanipud idi nabasak ti kapitulo 5 daytoy a libro, diakon ar-aramiden ti ugali. Nabigbigko a ti masturbesion ket saan nga isu ti pudno a kasapulan ti maysa . . .

“Kayatko koma a tunggal agtutubo basaenda daytoy a libro aniaman ti nakainaiganda a relihion. Amin nga agtutubo agpapada dagiti parparikutda, ket daytoy a libro ket kasla maysa a gameng, ta addaan iti solusion kadagiti amin a parparikuttayo. . . . Masapul nga ituítuloyyo ti panangipablaak kadagiti liblibro nga agpaay kadagiti agtutubo agsipud ta iti maysa a lubong a napno kadagiti droga ken imoralidad, daytoy a libro ket kasla maysa a baso iti nakalamlamiis, makarepresko a danum.”

Malaksid iti panangisalaysayna iti masturbesion ken homoseksualidad, daytoy a libro saklawenna ti panagusar iti droga ken alkohol, panagay-ayam, musika, panagsala, panag-“date,” panaginnarem, ken adu a sabali pay a bambanag a mangapektar kadagiti agtutubo. Umawatkayo iti kopia babaen ti panangsuratyo ken panangibusonyo iti naipakuyog a kupon agraman ti kontribusion a ₱14.

Pangngaasiyo ta mangipatulodkayo, nabayadanen ti seliona, ti natangken-akkubna, 192-panid a libro a Ti Kinaagtutuboyo​—Pananggun-od ti Kasayaatan iti Dayta. Nangisapitak iti ₱14.