Panid Dos

Minilion a napasnek a tattao ti mamati kadagiti milagro, aparision, ken dagiti sirmata. Agtitiponda kadagiti templo kas iti maysa a naipakita ditoy idiay Fátima, Portugal, a manginanama iti pannakagun-od wenno pannakakita iti namilagruan a pannakaagas. Dadduma kadagiti debotado ti agparintumeng a mapan iti santuario. Adu ti mamati a dagitoy ket naagasanda. Ngem dadduma a napasnek a tattao ti agimtuod, Dagitoy kadi a milagro ken aparision pudno a naggaput’ Dios? Adda kadi aniaman a sabali a panangilawlawag?