Ti Kapapatgan nga Okasion iti Historia

Ti okasion ket isu ti ipapatay ni Jesu-Kristo. Apay a kasta?

Daytat’ nagserbi a nangitan-ok iti kinalinteg ti Dios, a pinaneknekanna a ti maysa a tao mabalin a makapagtalinaed a naan-anay iti kinatarnawna iti Dios.

Dayta ti nangilukat iti sangatauan ti namnama iti pananggun-od iti biag nga agnanayon iti naindagaan a Paraiso.

Ni Jesus a mismo ti nangirugi ti pakalaglagipan iti ipapatayna iti rabii sakbay ti ipapatayna. Dayta ket maysa a simple a seremonia. Bayat dayta, imbaga ni Jesus kadagiti adalanna: “Itultuloyyo nga aramiden daytoy a panglaglagip kaniak.”​—Lucas 22:19, 20.

Laglagipenyonto kadi?

Dagiti Saksi ni Jehova awisendakayo a makikadua kadakuada iti panangselebrar iti daytoy kapapatgan nga okasion iti historia. Ita a tawen ti petsa ket Mierkoles, Marso 22, kalpasan ti ilelennek ti init. Pangngaasiyo ta makiumankayo iti lokal a Kingdom Hall a maipaay iti umiso nga oras ken lugar. Awan ti makolekta, ken maabrasa dagiti bisita nga umimdeng iti makaisuro a palawag ken agpaliiw iti simple a seremonia.