Panid Dos

Idi Hunio 1988 damo nga adda nakabingayan ti Iglesia Katolika Romana, wenno dibision, iti uneg ti nasurok a maysa a siglo. Naikkat ti tradisionalista nga arsobispo a ni Lefebvre. Nakatawen kalpasan ti pannakabingay, ti immalsa a padi kunaenna nga adda 10- agingga ti 20-porsiento nga inaduan ti bilang dagiti pasurotna.

Kabayatanna, ginasut a Katoliko a teologo ti nagpirma iti maysa a deklarasion nga agprotesta iti ibilangda a panangabuso ti papa iti pannakabalinna iti panangtudingna kadagiti baro nga obispo ken kadagiti doktrinal a bambanag, kas iti panangtimbeng iti sikog.

Iti napolitikaan, dagiti Katoliko nakarot’ pannakabingaybingayda, a daddumat’ nakarot’ kinakonserbatiboda, daddumat’ mangitandudo kadagiti reporma iti kagimongan ken dagiti pay naarmasan a rebolusion. Mabalin a mariro ti gagangay a Katoliko kadagitoy a pannakabingaybingay.